Monday, April 1, 2013

Unwanted Emails

Unwanted Emails

ဖြစ်လေ့ဖြစ်ထရှိတဲ့ပြဿနာတစ်ခုပါ။
testing လုပ်ရင်း users အစစ်တွေဆီကို test enviornment ကနေ mails တွေပို့မိတဲ့ပြဿနာပါ။
 development လုပ်တာဖြစ်ဖြစ်၊ maintenance လုပ်တာဖြစ်ဖြစ် ၃ နှစ်နဲ့ ငါးနှစ်ကြားလောက်ကြာရင် ဒီလိုပြဿနာအနည်းဆုံးတစ်ခါလောက်တော့ ကြုံဖူးတတ်တယ်။

ဘယ်လိုရှောင်သင့်သလဲဆိုတာကတော့ နည်းတွေ အများကြီးရှိပါတယ်။ အဲဒီအထဲက ကျနော်သဘောကျတဲ့နည်းတစ်ချို့ကို နည်းနည်းဝေငှချင်ပါတယ်။

Rule1.
production ကနေ ဒေတာကို ယူတိုင်း mask လုပ်သင့်တာတွေကို တစ်ခါတည်း mask လုပ်ပြီးမှ extract လုပ်ပါ။

Name, NRIC, email စတာတွေက confidential တွေပါ။ ဖြစ်နိုင်ရင် production data ကို functional test လုပ်ဖို့မသုံးတာအကောင်းဆုံးပဲ။

Rule2.
Switch off Email function

စမ်းချင်တာက အီးမေးလ်ပို့၊မပို့စမ်းတာမဟုတ်ရင် အီးမေးလ်ပို့တဲ့ function ကို off လုပ်ထားပါ။ ဖြစ်တတ်တာတစ်ခုက စုတ်စုတ်ပြတ်ပြတ် coding တွေမှာ နေရာတကာက အီးမေးလ်ပို့နေတတ်တာပါပဲ။ သေချာလိုက်ရှာပြီး၊ တစ်ခုမကျန်ပိတ်ထားပါ။ ဒါမှမဟုတ် configuration တစ်ဆင့်ခံထားပြီး UAT environment ဆိုရင် auto off နေအောင်လုပ်ထားပါ။

မလိုလားအပ်တဲ့ အီးမေးလ်ကို မပို့သင့်တဲ့နေရာပို့မိရင် ပြဿနာက အကျယ်အကျယ်မငြိမ်းဖွယ်ဖြစ်နိုင်တယ်ဆိုတာကို သတိထားပါ။ ကိုယ့်ဖက်က မမှားသင့်တာမမှားအောင်ဂရုစိုက်တာအကောင်းဆုံးပဲ။

Rule3.
Check scheduler for sending out email

Reminder email တွေကို scheduler နဲ့ run လေ့ရှိပါတယ်။ တတိယမြောက်အလုပ်မှာ ရှေ့ကတစ်ယောက်ထွက်သွားတော့ testing ဝင်လုပ်ရင်း sheduler testing မှာ အဲဒီပြဿနာကြုံလိုက်ရပါတယ်။ တစ်ပတ်ကို တစ်စောင်လောက် သူ့ဖာသာသူပို့နေတာ။ နောက်တော့မှ တရားခံကိုတွေ့တယ်။ ရှေ့လူက ဘာမှမပြောသွားရင် အဲဒါတွေသိဖို့မလွယ်ဘူး။ test data တွေကို production က ကူးထားတာလားကအစ သေချာအောင်မေးထားဖို့လိုတယ်။

တစ်ခါတစ်လေ ကြားဖြတ်ပြီး တာဝန်ယူရတဲ့အခါတွေမှာ ကိုယ်မသိနိုင်တာတွေ အများကြီးရှိမယ်။ အဲဒီလိုဆိုရင် အလွယ်တကူ assume မလုပ်ပါနဲ့။ သေချာအောင်စစ်ပြီးမှ confirm လုပ်ပါ။

ပြဿနာက နှစ်ပိုင်းကွဲနေတာကို သတိပြုမိမလားမသိဘူး။ တစ်ခုက ကိုယ်တိုင် အစအဆုံးသိနေတာမျိုး။ အဲဒါမျိုးက သိပ်ပြဿနာမတက်ဘူး။ နောက်တစ်ခုက ကိုယ်က အသစ်ဝင်တုန်း၊ ရှေ့ကဘယ်လိုလုပ်သွားမှန်းမသိတာမျိုးက ပိုအန္တရာယ်များတယ်။ အဲဒါကို သေချာ ဂရုတစိုက်လုပ်ဖို့လိုပါတယ်။

testing အတွက် Environment ကို သီးသန့်ပြင်ဆင်ပြီး၊ test data ကိုလည်း ကိုယ်စမ်းချင်တဲ့ fuction အတိုင်း လိုသလောက်ပြင်ဆင်ထားရင် တော်တော်လေး စိတ်ချရပါပြီ။ အဲဒီအပြင် email ကို config လုပ်တဲ့အကျင့်ထားပြီး၊ Environment အလိုက် သုံးရမယ့်အီးမေးလ်၊ပို့ရမယ့် အီးမေးလ် တစ်ခါတည်း pre-defined လုပ်ထားလိုက်ရင် နောင်လားနောက်သားတွေလည်းအဆင်ပြေတာပေါ့ခင်ဗျာ။

ANT build တွေကိုလည်း တစ်ခါတည်း UAT,QA,PROD ခွဲထားလိုက်ပြီး၊ build လုပ်တာနဲ့ အီးမေးလ်ဆက်တင်တွေ ကိုယ်လိုသလိုအလုပ်လုပ်အောင် ပြင်ဆင်ထားရင်လည်း သင့်တာပါပဲ။

ဒါက နည်းပညာအခက်အခဲတော့ မဟုတ်ပါဘူး။ အလုပ်ထဲမှာ ကြုံရတတ်တာတစ်ခုကို သတိထားနိုင်ဖို့ရေးလိုက်တာပါ။ သတိထားနိုင်ရင် အမှားနည်းတာပါပဲ။


Regards,
Zero