Oracle SQL optimization

Oracle SQL optimization

Oracle SQL optimizationနဲ့ပတ်သက်ပြီး နည်းနည်းလောက်ပြောချင်တယ်။ background scenerio က ရှင်းရှင်းလေးပဲ။ table တစ်ခုက date ကို minimum function နဲ့ရှာတာပဲ။ min(attendance_date) ဆိုပါတော့။ အဲဒါကို ဒီအတိုင်းရေးပြီး development database မှာရော၊ UAT/QA တွေမှာရောအိုကေတယ်။ production မှာကြတော့ attendance_date မှာက index မပေးထားတော့ ၁၀ နာရီကျော်ကြာသွားတယ်။ ဒါမျိုးက မဖြစ်ဘူးမပြောနိုင်ဘူး။ ဖြစ်တာများတယ်။ index သေချာမလုပ်ထားရင် query လုပ်တဲ့အခါမှာ oracle က full scanning လုပ်ရတယ်။ အဲဒီမှာ table က ဧရာမကြီးဖြစ်နေရင် query တစ်ကြောင်းချင်းစီအတွက် အချိန်က သိပ်ကြာသွားတတ်တယ်။ အကောင်းဆုံးကတော့ attendance_date အပါအဝင် query criteria တွေကို index ပေးလိုက်တာပဲပေါ့။

အဲဒီကိစ္စကို သုံးလေးငါးရက် research လုပ်ကြည့်တယ်။ oracle မှာက index အမျိုးမျိုးဆောက်ထားပြီး ကိုယ်သုံးချင်တဲ့ index ကို hint ပေးလို့ရတယ်။

နောက်တစ်ခုက ကိုယ်ရေးလိုက်တဲ့ query တွေကို Explain Plan လုပ်ကြည့်ကြဖို့ပါ။ အဲဒါဆိုရင် တော်ရုံတန်ရုံ အများကြီးကြီးတွေ မှားစရာသိပ်မရှိတော့ဘူးပေါ့။

နောက်တစ်ခုက သိပ်ကို နှေးကွေးလေးလံပြီး ဒုက္ခပေးနေတဲ့ query တွေကို DBA privilage နဲ့ဒီလိုရှာကြည့်လို့ရပါတယ်။
SELECT * FROM (SELECT * FROM v$sql ORDER BY cpu_time DESC) WHERE ROWNUM <= 250;

ဒါဆိုရင် cpu_time အကြာဆုံး ထိပ်သီး ၂၅၀စာရင်းရပါမယ်။ အဲဒီထဲကမှ ကိုယ့်ကို ဒုက္ခပေးနေတဲ့ query ကိုရှာကြည့်ရင်တွေ့နိုင်လောက်ပါတယ်။

နောက်တစ်ခုကတော့ ဘယ်ယူဆာအကောင့်ထ်တွေနဲ့ကိုယ့် database ကိုလာချိတ်ထားသလဲဆိုတာကို session ကိုကြည့်ပြီးသိနိုင်ပါတယ်။
SELECT * FROM v$session WHERE ROWNUM < 250;

index တွေနဲ့ပတ်သက်ပြီး rule တွေရှိပါသေးတယ်။ အကြမ်းဖျင်းပြောရင်တော့ index ထည့်လိုက်ရင် select query တွေမြန်ပြီး update နဲ့ insert နဲ့နှေးသွားတတ်ပါတယ်။ ကိုယ့်ရဲ့ system ပေါ်မူတည်ပြီး အလွန်အကျွံမဖြစ်အောင်သတိထားပြီးသုံးကြရတာပါပဲ။

ကိုယ်ကြုံလိုက်တာတစ်ခုကို အမှတ်တရအနေနဲ့ပြန်ရေးလိုက်တာပါ။ သိပြီးသားဆိုရင် ပိုမှတ်မိအောင်၊ မသိသေးရင် သတိထားဖို့။ အဲဒီလောက်ပဲရည်ရွယ်ပါတယ်။

ref:
http://docs.oracle.com/cd/B19306_01/server.102/b14211/hintsref.htm

Regards,
Zero